A Asociación Profesional ARCODEGA, de Recicladores de Residuos de Construción e Demolición, creouse o 22 de febreiro de 2005, constituíndose como unha asociación, profesional, sen ánimo de lucro e cun ámbito circunscrito á Comunidade Autónoma de Galicia, cun dobre obxectivo:

1. Facer fronte ás dificultades ás que se enfronta o sector, como as reducidas cantidades de residuos que chegan a planta, ou a competencia desleal existente.

2. Promover unha xestión destes residuos ambientalmente axeitada, actuando fundamentalmente en dúas líñas: promoción da reciclaxe dos RCDs, fronte á súa eliminación; promovendo a aplicación dos áridos reciclados obtidos a partir destes residuos.

Para iso nace como unha asociación que pretende ser representativa do sector, polo que está aberta a tódalas empresas recicladoras, que cumpran a lexislación e desenvolvan o seu labor dun xeito ambientalmente sostible.